അസോസിയേഷന്‍ ഓഫ് ടൗണ്‍സില്‍ ഹിന്ദു മലയാളീസ് ഓസ്‌ട്രേലിയ(ATHMA)യുടെ ആഭിമുഖ്യത്തില്‍ ഏറെ വര്‍ണപ്പൊലിമയോടും ആഘോഷങ്ങളോടും കൂടി ഓണാഘോഷം. പരിപാടികളുടെ ഭാഗമായി കുട്ടികളുടെയും മുതിര്‍ന്നവരുടെയും വിവിധ കലാപരിപാടികളും ഓണക്കളികളും സംഘടിപ്പിച്ചു. വിഭവ സമൃദ്ധമായ ഓണസദ്യ പരമ്പരാഗതമായ എല്ലാ ചിട്ടവട്ടങ്ങളും ഒത്തതായിരുന്നു. കേരളത്തിന്റെ സ്വന്തം പാരമ്പര്യം വിളിച്ചോതുന്ന സാംസ്‌കാരിക ഘോഷയാത്രയും ആഘോഷങ്ങളുടെ ഭാഗമായിരുന്നു.
ശ്രീകൃഷ്ണജയന്തി ആഘോഷങ്ങൾക്കായി അണിഞ്ഞൊരുങ്ങിയ ഉണ്ണിക്കണ്ണൻമാരും ഗോപികമാരും, എഴുപത്തി ഒൻപതാം സ്വാതന്ത്ര്യദിനാഘോഷത്തിന്റെ ഭാഗമായി ഭാരതീയ പതാകയേന്തിയ ബാലന്മാരും ഘോഷയാത്രയിലെ വേറിട്ട കാഴ്ചകളായി.
ലാസ്യനടനത്തിന്റെ ചുവടുവെപ്പുകളും, കൈവളകളുടെ താളവുമായി ആത്മയിലെ വനിതകൾ തിരുവാതിരയുമായി ആഘോഷങ്ങൾക്ക് നിറം പകർന്നപ്പോൾ, സ്വരരാഗമാധുരിയുടെ ഓണസമ്മാനവുമായി ഗാനമേളയിലൂടെ ഗായകർ സദസ്സിൻ്റെ മനം കവർന്നു.
കേരളത്തിൻറെ സംസ്കാരവും പൈതൃകവും പുതുതലമുറയിലേക്ക് പകർന്നുകൊണ്ട് ആത്മയുടെ ഈ വർഷത്തെ ഓണാഘോഷം മറ്റൊരാണക്കാലത്തിന് തുടക്കം കുറിച്ചിരിക്കുകയാണ്.
