മുംബൈ: മകള്‍ക്ക് പിറന്നാള്‍ സമ്മാനമായി സെക്‌സ് ടോയ് നല്‍കാന്‍ ഏതെങ്കിലും അമ്മ ചിന്തിക്കുമോ. ചിന്തിക്കുമെന്നാണ് പ്രശസ്ത ടെലിവിഷന്‍ താരം ഗൗതമി കപൂര്‍ തന്റെ സ്വന്തം ഉദാഹരണം ചൂണ്ടിക്കാട്ടി പറയുന്നത്. മകള്‍ സിയയുടെ പതിനാറാം പിറന്നാളിന് അവള്‍ക്ക് ഒരു സെക്‌സ് ടോയ് സമ്മാനമായി നല്‍കാനാണ് താന്‍ ആഗ്രഹിച്ചിരുന്നതെന്ന് താരം ന്യൂജെന്‍ വനിതകളുടെ സാമൂഹ്യമാധ്യമ കൂട്ടായ്മയായ ഹൗട്ടര്‍ഫ്‌ളൈക്ക് അനുവദിച്ച അഭിമുഖത്തില്‍ വെളിപ്പെടുത്തി.
കൗമാരപ്രായക്കാരായ കുട്ടികളുമായി ലൈംഗികതയെക്കുറിച്ച് ചര്‍ച്ച ചെയ്യുന്നതിന് ഇന്ത്യന്‍ മാതാപിതാക്കള്‍ക്ക് രണ്ടു തവണ ആലോചിക്കണം. ഈ സാഹചര്യത്തില്‍ ഗൗതമിയുടെ ആഗ്രഹത്തെ തങ്ങള്‍ പ്രശംസിക്കുന്നതായി ഹൗട്ടര്‍ഫ്‌ളൈ ഈ അഭിമുഖം സംബന്ധിച്ച് പ്രശംസാരൂപത്തില്‍ അഭിപ്രായപ്പെട്ടു.
‘എന്റെ മകള്‍ക്ക് പതിനാറു വയസു തികഞ്ഞപ്പോള്‍ അവള്‍ക്ക് ഒരു സെക്‌സ് ടോയ് സമ്മാനമായി നല്‍കുന്നതിനെക്കുറിച്ച് ഞാന്‍ ചിന്തിച്ചു. അവളുമായി ഇക്കാര്യം ചര്‍ച്ച ചെയ്യുകയും ചെയ്തു. എന്നാല്‍ അമ്മയ്ക്ക് സുബോധം നഷ്ടപ്പെട്ടോ എന്നായിരുന്നു മകളുടെ പ്രതികരണം.എത്ര അമ്മമാര്‍ സ്വന്തം പുത്രിമാരോട് ഇത്തരം കാര്യങ്ങള്‍ സംസാരിക്കാന്‍ തയാറാകുന്നുണ്ടെന്ന് ഞാന്‍ ചോദിച്ചു. എന്തുകൊണ്ട് ആരും അത്തരം സമ്മാനങ്ങള്‍ നല്‍കുന്നതിനെക്കുറിച്ച് ചിന്തിക്കുന്നില്ല.’ ഗൗതമി ചോദിച്ചു.
എന്റെ അമ്മ എനിക്കു വേണ്ടി ചെയ്യാത്തത് ഞാന്‍ എന്റെ മകള്‍ക്കു വേണ്ടി ചെയ്തു. വിലയേറിയ ഭൗതിക വസ്തുക്കളെക്കാള്‍ സമ്മാനമായി നല്‍കേണ്ടത് അനുഭവങ്ങളാണെന്നാണ് തന്റെ പക്ഷമെന്നും ഗൗതമി തുറന്നു പറയുന്നു. ഒരുപാട് സ്ത്രീകള്‍ ജീവിതം മുന്നോട്ടു കൊണ്ടുപോകുന്നത് നല്ല അനുഭവങ്ങള്‍ കിട്ടാതെയാണ്. ഇപ്പോള്‍ തന്റെ മകള്‍ക്ക് പത്തൊമ്പതു വയസായിരിക്കുന്നുവെന്നു തന്റെ അമ്മ തനിക്കു നല്‍കാതെ പോയ കാഴ്ചപ്പാടാണ് താന്‍ മകള്‍ക്കു നല്‍കിയതെന്നും അവര്‍ അഭിമാനത്തോടെ പറഞ്ഞു.
മകള്‍ക്ക് പിറന്നാളിന് സെക്‌സ് ടോയ് സമ്മാനം
